( Andoni Amonarraiz Gómez EAJ-PNVko bozeramailea
*Erredakzioan euskeratua ) Gaur, 2011ko otsailaren 24an, Abiadura Haundiko Trenaren aurkako taldetxo batek, Hernaniko Udaletxea hartu eta itxi egin dute. Bai, itxi egin dute. Zein izan da arrazoia Gobernu Taldeko zinegotziek, momentu horretan barruan baitzeuden, hori onartzeko? Berdin jokatuko al zuten ekintza hori ´AHTaren alde gaudenok` egin izan bagenu? Iruditzen zait beraien ideia politikoak jarri dituztela legearen gainetik. Zigortuko al dira indarrez instituzio publiko bat itxi dutenak? Zergatik ez da betearazten kartelei eta pankartei dagokien ordenantza eta zakurrei dagokiena, berriz, behin eta berriz azpimarratzen da?
Asko borrokan ari gara indarrezko egoerak desagertzeko gure gizartetik eta betikoak, gutxiengoa, edo betikoetatik batzuk, beraien ohiturekin jarraitzen dute beldurtu nahian eta herriak sufritu dezala lortu nahian. Ekintza honek lortuko duen bakarra da, Eusko Jaurlaritzako arduradunekin Udaletxean beren etxetik 10 minututara bildu behar zuten hernaniarrek Gasteizeraino joan behar izatea, gure herritik 3 ordutara. Horrela, Hernaniko Udaletxean agintzen dutenek herriaren interesen alde egiten dute.
86 egun falta dira. Animo.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!