Herritarrei gerturatu

( Iulen Lizaso Aldalur (*Erredakzioan euskeratua) ) Michael Weltzin etorri zi­tzai­gun Donostiara, errausketa kontuetan pertsonarik jantzienetakoa dena Europa mailan, eta Alemaniako Al­der­di Berdearen aholkulari zientifikoa eta Mikrobiolo­gi­an doktorea dena. Cristina Enea Funda­zioak hiru eztabaidatarako gonbitea luzatu zigun, Ingurumen Baliabideen Zentroak antolatuta. Lema honakoa: Hitz egin dezagun zaborraz. Horien bidez lortu nahi izan zen: «herritarrei hondakinen arazoa azaltzea eta Gipuzkoan eta Espainia­ko eta Europako leku ezberdinetan garatzen ari diren konponbide posibleen berri ematea». Lehenengo jardunaldia, Materia organikoaren aprobe­txamendua, ezinhobea izan zen emandako txostenen maila altua eta informazio mamitsua zela eta. Es­ker­tu eta azpimarratu nahi dut Txema Hernandez Fun­dazioko zuzendariak egindako aurkezpen bikaina; es­kertu batez ere, bitartekoak jartzea internet bidez entzun ahal izateko, bertara joan ezin zutenei: http://www.cristinaenea.org/pagina.php?queidioma=1&pg=67. Bigarren jardunaldirako eta Michael Weltzinekin azaroaren 25ean eztabaida­tzeko irrikaz ginela, Fun­dazioak honakoaren berri eman zigun egun batzuk lehenago: «Jakinarazten di­zugu, Critina Enea Fun­dazioarenak ez diren arazoak tarteko, eta zenbait hizlariren agenda arazoak tarteko, bertan behera utzi behar izan ditugula ondorengo bi saioak»... «Barkatu eragozpenak». DV egunkarian irakurri dut Michael Weltzin-ek hi­tzaldi bat eman zuela Do­nos­tian, azaroaren 25ean; eta artikuluaren barruan honakoa irakurri dut: «...hitzaldi bat Gipuzkoako hondakinen gestioaz arduratzen diren ordezkariei, Diputazioak gon­­bidatuta»... besterik gabe