Chillida-Leku eta Hernaniko Udala

( Iñaki Arratibel Olaziregi ) Entzun berria dugu krisiak egoera larrian utzi duela Chillida-Leku. Hain larria da egoera, urtarriletik aurrera ateak itxiko dituztela jakinarazi dutela. Berri triste hau jakin genuenetik erakundeen adierazpenak ere entzun ditugu Gipuzkoako Foru Aldundia eta Donostiako Udalekoa, baina museoa kokatuta dagoen Udaletik ixiltasuna besterik ez dugu entzun. Hernaniko Turismoko Plan Estrategikoak bi ardatz nagusi aipatzen zituen: sagardoaren kulturari lotutako ekimenak eta Chillida-Leku museoa. Her­naniko Udalak gai honetan mantendu duen ixiltasuna guztiz salagarria iruditzen zaigu. Behin eta berriz gogorarazi behar izan dugu Chillida-Leku Hernanin dagoela, Chillida-Leku eta Hernani mar­kak lotu behar genituela. Hamaikabatek gogorarazi nahi du helburu horiek ez direla lor­­tzen ixilik egonaz. Herna­niko Udalak, beste erakundeekin ba­te­ra, zer esan haundia dau­ka. Hernaniko Udaletik Chilli­da-Lekuren irtenbidean partehartzeko prest gaudela esan behar dugu. Hernaniarrentzat estrategikoa den Chillida-Leku proiektu kulturala bideratzeko prest gaude. Eta horixe da, hain zu­zen, Hamaikabatetik eskatzen duguna, Hernaniko Udalak Chillida-Lekuren etorkizunean partehartzeko aldarrikapena. Egiten ez badugu gero negar egiteak ez du ezertarako balio izaten.