Tratu txarrak: kezkak eta begiradak

( Joxe Elizondo Arruti -´Niko`. (*erredakzioan euskeratua) ) Ezer baino lehen, adierazi nahi dut: a) Nere babesa, pertsona eta entitateak tratu txarren kontra egiten ari diren lanari. b) Nere kezka, konbokatu diren ekitaldietan izan den jen­de eskasiagatik (Hernaniko kasuan, gutxienez). Kezkaz eta urrunetik begiratzen diet zenbait ahots feministari. Argu­men­tu gisa darabilte, batez ere, eta modu zurrunean, beti esan izan den bezala, gizonezkoek gehiago direla uste dutela, edo emakumeak gu­txietsi egiten direla, eta horrek eragiten dituela jokaera onartezin horiek. Ez dut ukatuko, horrek badu eragina (neurri batean), baina gauzak ez dute koadratzen (orokorrean). Ikusi dezagun: Azken hamarkadetan, Lurraren alde honetan, aldaketa haundiak lortu dira, emakumeen eta gizonezkoen arteko berdintasunean, eta baita bizitzeko ohituretan ere. Hona ba­tzuk: Eskubideak, lana eta independentzia ekonomikoa, Hezkun­tza eta balore kulturalak, Espazio publikoa eta askatasunezkoa, pribatuan gerta­tzen ziren zapalketak publiko egitea, Jarrera aldaketa emakume eta gizonezko gehienena, Harreman afek­­tibo eta sexualak, Autoestima, Gaz­­teriaren mentalitatea, Biktimei babesa... Bestalde, tamalez, aurreratu den hori guztia ilunago ikusten du­gu, jakinarazten zaigunean, gazteak direla tratu txar gehienak egiten dituztenak; eta suposatzen da, gazte horiei ez zaiela heziketa matxista eta boterean oinarritua eman. Nola azaldu orduan, gertaera/errealitate horiek? Komeni da faktore batzuk azter­tzen hastea (ideia matxistaz harago), prolematika horri eragiten diotenak, gauzak aurrez konpontzeko balio baitezakete: Zerk eragiten ditu gizakiaren biolentzia-agresibitatea-autoritatea (batez ere gizonezkoena)? Bestearen eskubide indibidualak kontrolatu eta zapaltzea, gauzak hitz eginez konpontzen ez jakitea, aniztasuna behar adina ez errespetatzea, beste balore batzuei garran­tziarik emateko neurririk ez hartzea, eta abar, eta abar? Azkenik, iruditzen zait, baina guztiak kenduta (eliza eta abarren jarrera karkak adibidez), eta egoera larri honi garrantziarik kendu gabe, orokorrean uste dut, baditugula arrazoiak baikorrak izateko (konformistak ez) TRATU ONAREN alde egiten ari garen bidean. Eta irudi­tzen zait, hain gai korapilotsuari erantzun sinpleak bilatuta ez goazela bide onenean, feminismo abegikor eta integratzaile bat nahi badugu, gaur egunera egokitua, eta per­tsonen Berdintasunaren aldekoa.