Eurostaten arabera, gure herrian sortzen den zaborra Europako mediaren gainetik dago eta birziklatzen duguna erdia da. Zabortegira botatzen duguna %68a da eta Europako media %41ekoa. Zabortegien Europako Zuzendaritzak dioenez, herriek materia organikoa gutxitu beharko dute eta berriro balioztatu konpostaren bidez edo biometanizazioaren bidez; errausketa konponbide txarrena da.
Zaborren arazoaren muina, zabortegira materia organikoa botatzea da. Hori fermentatzean GEIak sortzen dira (negutegi efektua sortzen duten gasak) eta CO2a baino 23 aldiz kutsagarriagoa da.
Arazoari, %90ean, konponbide eraginkorra eta arduratsua emateko, hasierara jo behar dugu eta ez bukaerara: zabor gutxiago sortu eta materia organikoa berreskuratu, gaikako bilketa sistema egoki batekin eta autokonposta eginez. Neketsuagoa da, baina ekonomia eta ekologia dela eta, ohitura onak dituzten herrietan hori da joera.
Eta zer dakite herritarrek egoera eta konponbideei buruz? Nola lantzen dute Gipuzkoako hedabideek hondakinen gaia? Urriaren 6an Responsabilidad Social Corporativa jardunaldiak izan ziren Madrilen APIAk antolatuta eta Martha Goyenecheak Birziklapena eta Hondakinen Trataerari buruzko Kazetaritza Saria jaso zuen En busca del objetivo cero deshechos artikuluagatik. «Sari hau da komunikabideetan albiste positibo, informatibo eta didaktikoak zabaltzeagatik birziklapena eta hondakinen trataerari buruz». Luis Gabriel David Garcia sarituak ere zera azaldu zuen: «ingurumenari tarte bat zuzentzea oso garrantzitsua da alderdi guztiak lantzen baitira». Eta gaineratu zuen: «Bizitzaren kazetaritza da, zuzendari eta nagusiek ikusten ez duten arren; borroka haundia daukagu tarte bat lortzeko komunikabideetan eta denoi eragiten diguten gaien inguruko albisteak ikusteko»... borroka haundia daukagu Gipuzkoan halako idatzi aseptikoak argitaratzeko.
Iulen Lizaso Aldalur (*Erredakzioan euskeratua)