Zikuñagako Amabirjinak hitz egingo balu...

( Bernardino Ibarzabal Goiburu (*Erredakzioan euskeratua) ) Zikuñagako Amabirjinak hitz egingo balu... Joan den irailaren 27an, Zikuñagako Amaren desa­gerpenari buruzko artikulu bat argitaratu zen atal honetan, nik sinatutakoa. Bertan galdetzen nuen Amabirjina ostu zuten lapurrak nola sartu ziren ermitara: teilatutik, butroia eginez, edo ate nagusitik. Beste ziurtasunik ezean, susmoak ziren, susmoak besterik ez. Esaterako, ate nagusitik sartu baziren, nork utzi zien lapurrei giltza? Oporretan nintzela, mezu bat utzi zidaten erantzungailuan, bertan, aurreko artikuluari buruzko kontzeptu ba­tzuk argitu nahi zituen per­tsona baten telefonoa eman zidaten. Pertsona hau Ermita zaharreko seroraren senarra zen. Minduta zegoen, modu batera edo bestera bere zin­tzotasuna zalantzan jarri bai­tzen. Kontatu zidanez, 1979­ko apirilaren 13an, Ama­birjina desagertu zen egunean, goizeko 05:00etan atera zen Ermita ondoan zegoen etxetik. Emazteare­kin batera Gu­rutze Bidea egitera joan zen. Hiru ordu beranduago, itzuli zirenean, bere au­sen­tzian Amabirjina lapurtu zutela konturatu ziren. Bere esanetan, lapurrak Er­mitako leihoren batetik edo inguruko leku edo bulegoren batetik sartu ziren. Azaldu zidanez, ate nagusiaz gain, Er­mitak ez zuen kanpoaldeko beste sarbiderik, eta nik du­dan planoan ere hala ageri da. Gauzak horrela, bere us­tez lapurretaren arrazoia zein izan zen galdetu nion, eta berak erantzun zidan ez dela oso bizkorra izan behar lapurreta zeintzuk egin zuten jakiteko. Esan zidan, lapurreta gertatu baino askoz lehenagotik, ondoko taberna be­rak ze­ramakiela, eta ondo eza­gu­tzen zituztela bere ohiturak. Horrez gain, esan zidan egunen batean horri buruzko idatzi bat utziko duela. -Bere testa­mentuan agian?-. Eta mo­mentuz ez duela gaiari buruz zabal hitz egin nahi. Hori da kontatu zidana, eta gure Amabirjinarekin gertatutakoaren misterioa sakondu besterik ez du egin. Lapurreta egin zutenak hernaniarrei egiten ari diren min morala kontuan izanda, zertarako behar dute orain Amabirjina, orduko zeregina bete bazuen?