Des-inzentibatu

Abuztuaren bukaeran bukatu zen epea, alegazioak jar­tzeko, Hondakinen Lege be­rria­ren zi­rriborroari. Lege be­rri hori 2010ean onartu beharra dago, EBak hala agintzen baitu, eta 1998ko Legea or­dez­katuko du. Horrez gain, abuztu bu­kae­ran jardunaldi batzuk bukatu ziren, herritarren partehartzea eta politika berriei buruzkoak. Bi albisteak data berean koin­ziditu dute, eta horren eraginez PIGRUG berri bat jaioko da, gizarteak ‘babestua’, eta ez soilik instituzioek. Bes­talde, diputatu nagusiak agindu di­tuen praktika politiko berriak, ez dute berritik ezer izango, au­toritatea egi bihurtzen jarraitzen badute, eta ez, egia autoritate. PI­GRUG hobe bat aurkeztea ez da nahikoa; zenbat hobetu dai­tekeen eztabaidatzen ez bada. Legedi berri hori oinarri har­tuta egin beharko du PIGRUG berria Diputazioak. Plan berriak lehentasun hauek behar ditu, Europar Batasunak jartzen dituenak: 1-Zaborra gutxitu; 2-Berre­ra­bili; 3-Birziklatu eta konpostatu; 4-Erraustu; 5-Zabortegi­ra bota. 2002 urtean idatzi zen PIGRUG zaharra, ingurugiro alarma txikiagoa zen garaian, eta 4. puntuari eman zitzaion lehentasuna, aurreko 3 puntuen gainetik, elkarren artean bateraezin egiteraino; baso bat aprobetxatzeko, su ematea be­za­la da hori. Prioritate hori jartzeak, erabat frenatzen du za­borra gutxitu eta bereiztearen aldeko politika bat egitea; erabat frenatzen du energia aurrezteko eta lehengaiak au­rrez­teko politika bat egitea; edo lanpostuak sortzeko politika bat... gaur hain beharrezko duguna. Jörg Lacher aditu alemanak dioenez, «mundu honetako lehengaiak muga bat dute, ez dira infinitoak». Hark dio, gure lehentasuna dela materia aprobetxatzea: «urrea da!»... urrea, eta pedagogia. Elkarte eta organizazio so­zia­lek egindako alegazioek gau­za batean insistitzen dute: legedi komunitario bat beharrezko dela, gaur eguneko gardentasun faltari aurre egiteko, datu eskasiari eta nahasketari aurre egiteko. Adibidez, neumatikoak erregai bihurtzeari ezin zaio birziklatzea deitu. Bir­zikla­tze­ko, produktu bat lehengai bi­hurtu behar da, berriz produktu bera ateratzeko. Hori argituta, foru agintariek berriz esan behar al digute, Gipuzkoako birziklatze da­tuak Europako onentsuenak di­rela? Carlos Ormazabal da au­toritatea, eta jakizue, PI­GRUG honekin jarriko duela Gi­puzkoa, Europako azkenetan.

Julen Lizaso Aldalur *Erredakzioan euskeratua