Zabor kontuetan beti garaiz kanpo!!!

( Andoni Amonarraiz Gómez EAJ-PNVko bozeramailea (*Erredakzioan euskeratua) ) Orain dela bi aste prentsaz jakin nuen gure alkatea, beste ordezkari publikoekin batera, Italiara zihoala bertan Atez Atekoa nola egiten zen ikustera. Bidaia horrek harrituta utzi ninduen, hilabetetan Turin jarri dutelako adibide­tzat eta dirudienez ez zuten sistema ezagutzen. Gai­nera, bidaia egin dute beste errealitateak ezagutzeko, dagoeneko gure Atez Ateko zoragarria jarri dugunean. Ez zen logikoagoa izango aurretik bidaiatu, sistemarik egokiena aukeratu eta gure herrian jartzea? Norbai­tek entzun edo irakurri al du informerik bidaia horri bu­ruz? Orain dela egun batzuk Italia­ko ordezkari baten hitzak en­tzun nituen irratian eta bi kon­tu ga­rran­tzitsu esan zituen: alde batetik, jarri zuten sistema jarri aurretik asko landu zela gaia alderdi politikoen artean kontsentsua lortu arte. Eta bestetik, bilketako kontene­do­reak bilketa orduan ateratzen zirela, helburua izanik bisualki ez­­ kutsatzea kale eta leku publikoak. Zer pentsatuko ote lukete italiar horiek jakingo balute hemen, kontsentsu politikoari edo erreferendumari buruz ez dela ezer esaten, aukeratu den sistema poltsak poste batean zintzilika­tzekoa dela, eta beraz, toki publikoa errespetatzearena eta kutsadura bisualik ez izatearena ez dela betetzen, eta zerbitzuaren kostua ezagutuko balute... Nire zalantzak ditut etorkizunean euren zerbitzua hobetzea pen­tsatzen badute, gure Atez Atekoa azter­tzera etorriko direla. Azkenik, eta aurrekoarekin zerikusirik ez badu ere, esan nahi dut Hernanin dagoeneko badugula 2010erako aurrekontua Go­ber­nu Taldearen botokoekin eta, nola ez, Ezker Batuarenarekin. Bertan, Gobernu Taldeko aholkularien partidak mantentzen dira eta Atez Atekorako dirua dago, baina ez Zaharren Egoitza berria egokitzeko, ezta pisu tutelatuak ere. Eta ikusiko dugu zer gera­tzen den errepideetarako, espaloietarako... Baliteke horren berri ez izatea, baina aurrekontu hauek patehartzaileak izan dira edo parte hartzearena gauza garran­tzitsuetarako (zaborrak, aurrekontuak...) ez dago modan eta bakarrik balio du baliabide ekonomiko faltagatik egin ezingo diren proiektuetarako (udal ekipamenduak)? Gobernu Talde honek 36.000 euro gastatuko ditu sa­ritan auditorioa egiteko ideia lehiaketan, auditorio hori egin ahal izateko zenbat urte pasako diren inork ez dakienean. Gora San Joan eta espero dut denok primeran pasatzea.