Gauzak gaizki egiten direnean, jakin egin behar da zuzentzen

( Andoni Amonarraiz Gómez EAJ-PNVko bozeramailea (*Erredakzioan euskeratua) ) Ez dut ulertzen izen haundiko politiko batek, Txintxu­rre­ta zinegotzia den bezala, gainera, Usurbilgo ingurumen teknikari gisa ´jarria` izan de­­na, ANVk gobernatzen duen he­rri­an baita ere, ez dut ulertzen Atez Atekoa defendatzeko irai­na eta beste zinegotziekiko mespretxua izatea daukan ba­liabide bakarra. Ez daki zer den beste baten ahotik entzutea gaizki egiten ari dela. Transferentzia puntua edo San­ta Barbaran jarri du­ten de­na delakoari dagokionez, ni­ri ere logikoa iruditzen zait mar­txan jartzea, baina legea errespetatuz. Zergatik Txin­txu­rre­tak ez dio legeari kasurik egiten? Gobernu Talde hau ongiaren eta gaizkiaren gainetik al dago? Beste behin, errealitatea erakutsiko dut: 5-28 osteguna, plenoan, esan ziguten 10 zirela hondakin bilketaz ar­du­ratzen ziren langileak eta hiru astetan 476 ordu extra sar­tu zituztela. Uste dut gehia­go izan direla 12:00e­tan orain­dik lanean aritzen baitira, baina ezin dut demostratu. 5-29 ostiralean, berriz, dagoeneko 14 zi­ren kontratatutako langileak. Zenbat beharko ditugu zerbi­tzua 07:30etan bukatzeko? Gainera, 14 langile horiei gehitu behar dizkiegu, obra pabiloiko langileak, mantenimenduaz arduratu beharrean, hondakinak biltzen aritzen direnak. Zerbitzu Publikoe­ta­ko zinegotziaren arabera, bi di­ra eta 07:00etatik 08:00etara egi­ten dute lan. Iruditzen zait Txin­txurretak engai­na­tu egin duela datuak emate­ra­koan. Azkenik, azpimarratu nahi dut, erabiltzen ditudan datuak San Markok eta Txintxurreta zinegotziak emanak direla eta jasoak direla maia­tzeko plenotik eta ikusten du­dan errealitatetik. Nik kontatu besterik ez dut egiten eta Txin­txurretari gustatzen ez bazaio, konpondu dezala gaizki egindakoa.