Egiazko Hernani maite dut

( Mikel Arrieta Iraola ) Hernani maite dut, den bezala, anitza eta iritzi askotakoa. Bai­na utzi esaten bereziki Hernani aurrerakoi eta ekologista maite dudala. Gustukoa dut erosotasun pertsonalaren gainetik el­kar­tasuna, ingurugiroaren erres­petua eta naturaren zain­ke­ta jartzen duen hernaniar gehiengo hori. Izugarri mi­res­ten dut alarmismoa eta demagogiaren gainetik Atez Ate­ren alde agertu den her­naniar uholde hori. Poz handia ematen du jakiteak iada 677 familik autokonposta egitearen konpromisoa har­tu dutela, ia ia hernaniarren %10, eta kopuru hori handitzen doa. Irrifar txikia sor­tzen zait Etxe­be­rri, Marieluts, Florida edo Kara­beleko herritarrak hurbiltzen zaizkidanean esa­tera «ondo ari zarete», «Atez Ate­koa erraza dek», «hi! errausgailuaren aurka alternatibak mar­txan jartzeko garaia ge­nian». Asko dira bere garaian bil­keta horretan sinadura eman zutenak eta orain esan didatenak ez luketeela sinatuko, zeuzkaten beldurrak eta kezkak apurka uxatu dituztelako. Ona da jakitea Mugimendu Ekologista osoa eta sindikatu gehienak Atez Ate­koaren alde daudela; horrek erakusten dit bide onetik goazela. Udalari aitortu behar zaio bizilagunen %73aren eskaerak ona­rtu dituela eta behingoz landa inguruko auzoekin gogoratu eta zabor tasa jaitsi diela. Zer diferentzia aurreko garaiekin!! Amaitzeko esan, badakidala denek ez dutela ni bezala pen­tsatzen. Katastrofismoaren or­dez, norberaren arduraz eta naturarekiko konpromisoaz hitz egitea nahiago dut. Batzuk gauzak bere horretan utzi nahi dituzte eta pentsamendu atzerakoian babesten dira. Beste ba­tzuk aldiz, gauzak aldatzen saia­tzen gara eta, besteak beste, inguruarekiko errespetuan oinarritutako mundu bat lortzen saiatzen gara. Borroka horretan iraungo dugu.