Elizatxo Ikastola

( Ainhoa Bernardez Callejo Elizatxo Ikastolako Leoka/Zelaia Guraso Elkarteko presidentea ) Elizatxo Ikastolako Guraso El­kar­teak joan den apirilaren 15ean Gas­teizko Le­ge Biltzarrean aurkeztutako legez bes­te­ko proposamenaren onespenaren au­rre­an ondorengo hausnarketa egiten du: Gure ikastolak duen Hezkuntza Proiektuaz harro gaudela, ez ordea gure seme/alabek DBHn erabiltzen dituzten egoi­tza eta baliabideekin. Hezkuntza Sailak, Lege Biltza­rrean onartutako Eskola Mapa be­rria­ren on­do­rioz, 2009ko martxoan PNV, EA eta EB alderdi politikoek osatzen zuten Eusko Jaurlaritzako Hezkuntza Sailak, hain zuzen ere, Her­nanin Bigarren Hez­kuntzako eskaintza publiko bakarra izango zela erabaki zuen. Eta orain, Hez­­kun­tza Sailaren buru ez direnean, duela urtebete beraiek hartutako erabakiaren aurka azaldu dira. Ez dugu uler­tzen. Gure seme/alabek kalitatezko he­zi­keta jasotzeko eskubidea duten heinean, Elizatxo Ikastolari Herna­nin Bi­ga­rren Hezkuntzako ikastetxe publiko sendo bat sortzea positiboa dela iru­ditzen zaio, bai herriari begira bai gu­re seme/alabei begira, proiektu be­rri honek ibilbide edukatibo gehienak herrian bertan egiteko aukera berma­tzen duelako: batxilergo modalitate ez­­ber­dinak, dibertsifikazio curricularra behar duten ikasleen­tzat etabar. Eta baliabide aldetik Elizatxo ikastolako gure seme/alabak irabazian aterako liratekeela esatea, soberan dago (jangelarik ez, ikastetxea zaharkitua...). Beraz, proiektu sendo, integratzaile eta berrritzaile bakar baten aldekoak ga­ra Bigarren Hezkuntzarako. Bestalde, ad­ministratiboki eta ofizialki momentu ho­­ne­tan dagoena eta dakigunaren berri eman nahi dugu: Hezkuntza Delegari­tza­tik ziurtatzen dute, Hernanin Biga­rren Hezkuntzako lau ikastetxe publikoen fusioa egingo dela. Datorren ikasturtean Hernaniko DBHko ikastetxe publikoen 1. mailako ikasleak Agustin Itu­rria­ga egoitzan hasiko direla. Beraiekin lanean arituko den irakasle taldea martxan eta lanean ari dela irailean ikasturte berriari hasiera emateko. Baita esan, dagoeneko martxan dagoela guraso batzordea.