Gipuzkoako politikariok: kontuz zaborrarekin

( Mikel Otegi Uzkudun Hernanin Zero Zabor ) Komunikabide nagusiek hala erabakita gipuzkoar asko enteratu ez badira ere, martxoaren 26, 27 eta 28an burutu ditugu Hernani, Oiartzun, Urnieta eta Usurbilen ´Atez Ateko bilketa, Zero Zaborrerako bidean` jardunaldiak, bertako herritar bo­lun­tarioek antolatuta, diru gu­txirekin eta informazio gose han­diz. Europan ingurumen ar­lo­ko aditu ezaguna den Roberto Cavalloz gain, Italiatik Rossano Ercolini etorri zen, Capannori hirian eta Lucca eskualdean eraiki nahi zituzten hiru errauste planten geldiarazteko kanpainetatik ezaguna eta Europan Zero Rifiutti edo Zero Waste (Zero Zabor) proiektuetan aintzindaria. Kataluniatik, alde batetik, tek­nikari bat etorri zen, Ignasi Puig, lehendik Gipuzkoan eta Donos­tian ingurumeneko pro­i­ek­tuak eginak dituena. Beste­tik, bi kargu politiko azaldu ziren. Assumpta Boba Caballé Argen­tonan da zinegotzi, Tots per Argentona zerrenda independientekoa. Josep Maria Tost Borrás Convergéncia i Unióko alkatea da Riudecanyesen eta aurreko legealdian Tarra­go­nako Diputazioan ingurumeneko di­pu­tatu izana da. Asso­ciació de Municipis Catalans per a la Re­collida Porta a Porta (AMCRPP) elkartean Tost lehendakaria da eta Boba zuzendaritzakoa. Zuzenda­r­i­tza horretan ba­di­ra CiUko alkateak, PSCkoak, ERCkoak, Inicia­tivakoak eta inde­pen­dien­teak, denetik salbu eta PPkoak. Hain zuzen Tost jaunak esan zituenak baliatu nahi ditugu Gipuzkoako politikariei eran­­­­tzun­kizun handiagoz joka de­zaten es­katzeko. Onena Kata­lunian edo Italian Atez Atekoa egiten duten hirietako agintariei galdetzea lukete, haietan bai baitira kolore politiko guztietakoak, ezkerrekoak bezala eskubikoak. Eta bestela, edozein politikari gipuzkoarrek entzun behar lituzke Josep Maria Tosten hi­tzak. Hernanin Zero Zabor taldearen blogean dauzka (http://zeroza­bor.­ning.com/). Italian 8.000.000 herritar bizi dira hondakinak Atez Ate ku­dea­­tuz, Usurbil, Hernani eta Oiar­tzungo sistema berdinean, eta Katalunian laster 400.000 izango dira. Esperientzia luzea dauka sistema honek, bere abantailak demostratuta daude, emai­tzak administrazio publikoek zertifikatu dituzte mundu osoan, erakutsi dutelako onena dela etxeetako hondakinak aprobe­txatzeko eta, are garran­tziz­koa­goa dena, herritarrek hondakin gu­txiago sortzea eragiten duela. Zer dela eta Gipuzkoan ho­rrelako intoxikazio kanpaina ho­rren kontra? Atez Ateko sistemaren eta oro har hondakinen kudeaketa hobe baten alde eta kutsaduraren kontra ari garen herritar boluntariook ulertzen ditugu he­rritar askoren kezkak edo beldurrak, gehienetan sistema hau ez eza­gutzeak sortuak. Baina ja­sa­ne­­zinak egiten zaizkigu Gi­puz­koa­ko politiko eta kargu hautatu as­kok egunero esaten dituztenak. Atez Atekoak osasun arauak ez dituela betetzen, jabego pribatua erasotzen duela, emaitzak gezurrezkoak direla, legearen kontrakoa dela... Nahiago genuke pentsatu Atez Atekoaren kontra hitz egiten eta idazten ikusten di­tu­gun po­li­tikoak gehiago ari di­re­la ezjakintasunetik, enpresa han­diekin hitzartutako konpromisoen truke baino. Horregatik gomendatzen diegu hobeto az­ter­tzea zer den Atez Ateko bilketa sistema Kata­lunian, Italian eta munduan, aurre­rantzean jakinaren gainean hitz egin dezaten eta egun batean –hemeroteketan ge­ratuko dira hilabeteotan esan eta idatzitakoak- lotsagarri geratu ez daitezen.