Eskerrik asko, Usurbilgo herria

( Karmele Agirre Aldabaldetreku, Hernanin Zero Zabor. ) Gutun honekin Hernanin Ze­ro Zabor taldeko emakume eta gizonok eskerrak eman nahi dizkizuegu Usurbilgo herritarroi. Bi urteotan ia hutsetik abiatuta martxan jarri duzue hondakinak ku­dea­tzeko mo­du berria. Euro­pan diren ereduak ikusi, leku asko bisitatu, asko eztabaidatu eta Atez Ate­ko sistema abiatu zenuten. Mar­txan jarri eta denbora gutxian oso emai­tza onak lortzea posible dela erakutsi duzue. Usur­bil­darrok bide berria ireki diguzue Gipuz­koa­ko eta Eus­­kal Herriko jendeoi. Lana fin egin behar izan duzue Usurbilen, polemikak izan direla badakigu (ez Her­na­nin orain ditugunak baino txi­kia­goak), bidean gauza bat baino gehiago aldatu beharko zenuten... baina lanarekin, el­ka­rrizketarekin eta pazien­tzia­re­kin, emaitzak hor dau­de. Ge­ro, ateak ireki dizkiguzue Atez Atekoa ezagutzera Eus­kal Herri osotik hurbildu ga­ren guztioi. Hori gutxi ba­litz, sistema martxan jarri eta urtebetera, erreferenduma egingo duzue. As­pal­di honetan nork egin du horren erdia Euskal Herrian? Usurbilek sistema berria antolatu behar izan du goragoko instituzioen laguntza gutxirekin. Aldiz, Usurbilgo udaleko agintariek hilabeteotan es­ku zabala erakutsi du­te, bai udaleko alderdien ar­tean akordioetara iristeko eta bai Gi­puz­koako Foru Aldun­diari eta Hon­da­ki­nen Kon­tsor­­tzioa­ri pro­posamenak egi­nez. Az­ke­na, joan den astean Xabier Mikel Erre­kon­do alkateak egin­dako eskain­tza: Zubietako Errauste Plan­taren proiektuarentzako 6 urteko mo­ra­toria. Guk bat egi­ten dugu mo­ratoria proposamen horrekin. Eta ausarta litzateke Aldun­diaren al­detik eskaintza hori onar­tzea, Gipuzkoa jasangarriago baterantz egiteko. Usurbilgo herria: jakin eza­zue Gipuzkoako herritar asko zuekin gaudela. Osa­su­naren­tza­­ko, klimarentzako eta ingurumenarentzako kaltegarria den Errausketari uko egiteaz gain alter­natiba on bat badela de­mos­tratu du­zue. Maiatzean Atez Atekoa martxan jarriko da Hernanin eta Oiartzunen. Eta laster eto­rriko dira gehiago bide be­retik. Egun batean gu bezala eskertuta edukiko dituzue hilabeteotan zuen kontrako kanpainan jardun direnetako asko eta haien seme-alabak ere. Mila esker, Usurbilgo herria.