Amonarraiz jaunari:

( Jose Ignacio Arruti Camio ) Zure alderdiko zinegotzi xume bat iza­teko (zuk esaten duzun bezala), zure alderdiko (PNV) politikari profesionalen jarrera duzu. Pilotak kanpora botatzen dituzu ez erantzuteko eta gainera uste duzu gezur bat bi al­diz esanez gero, egia bihurtuko dela. Hobe izango zenuke daukazun denbora eta ematen dizkizueten lagun­tzak, euskaraz irakurri eta ipini nuena ulertzeko erabiliko bazenitu. Non irakurri duzu ni erreferendumaren alde edo kontra nagoenik Atez Atekoa martxan jartzeko? Baimenik eskatzen al diezue bizilagunei udaletxearen izenean grisez margotzen dituzuenean herriko paretak? Berdin zaizue horma ze koloretakoa den ere. Zure alderdiak (PNV), eta besteak, erraustegia jarri nahi du­zuen lekuan ipintzeko egin duzue aurretik inolako erreferendumik? Egin baduzue komunean harrapatuko ninduen, ez bainin­tzen jabetu! Eskertuko nizuke hemendik au­rre­ra nik esan ez dudana nire ezpainetan ipiniko ez bazenu. Agur, ondo segi eta saiatu euskaraz idatzitakoa ondo ulertzen.