Marian, zenbat astakeri esan behar dizkiguzu ?

( Iñigo Clemente Ugalde ) ´Firma bilketaren atzean Ha­mai­kabat alderdia dago eta errauste planta inposatzeko es­tra­tegiaren barruan ulertu behar da`, `Sinatu dutenak errauste­gia­ren aldeko apostua egin du­te`. GEZURRA! Oso jende ezberdina dabil erreferendumaren alde eta kontu honekin hasi zirenek ez daukate zer ikusirik Hamai­ka­bat alderdiarekin. Horren froga laister eskuratuko duzu, zuri botoa emandako ehundaka lagun baitaude. Nire ustez egin nahi izan duzuna, gazteleraz ´cerrar fi­las` esaten dena izan da. Zori­txa­rrez egongo da jendea zuk esandakoa ez duena kuestio­na­tuko, zuk esan duzulako soi­lik. Orain arte zeuzkaten kexak borratu eta bide batez sinadura asko ekidin dituzu. Zure alderdiari botoa eman dion lagun batek, egiten dituzuen gauza guztiekin ados egon behar du? Egon naiteke AHT ren aurka, presoekin bat egi­nez, independentziaren alde… baina atez atekoa planteatu duzuen eran, zuekin bat egiten ez badut, etsaia naiz? Iparra galdu duzu. ´Erraustegiaren inguruko galdeketa antolatzen duten egu­nean bozkatuko dugu atez atekoa` esan duzu. Hori esanda beraien parean gelditzen zara eta iruzur galanta egiten diozu herriari, nagusiki zuri botoa eman dizuenei. Niretzat zuek ekarri gaituzue honeraino. Egoskortuta zau­­dete gai honekin. Egia da bilera asko antolatu dituzuela, baina zertarako? Dena erabakita dagoela esateko. Adibide bat: Tabernari eta mer­­katariei, ´Sanidad`ek, ez di­gu inposatzen dizkiguzuen ku­boak erabiltzen uzten. Ba­da­ki­zue baina ez dugu erantzunik jaso. Nire proposamena zera da: goazen birzikleta gaiari buelta pare bat ematera, agian azkenean atez atekoa izango da eran­tzun onena, baina ateratzen ari diren arazoak konponduta eta ez orain daukazuen plana de­rri­gorrez inposatuta. Hau eta gero erreferenduma antolatuko nuke, beti defenditu dugun be­zala herriak erabakitzeko eskubidea eduki behar duelako. Atez atekoa jarrita, erraustegia geldituko dugu? Tetrabrick eta antzekoak erabiltzen dituzten lantegiekin hastea iruditzen zait garrantzitsuena. Horrelako gaietan sartuta, agian erraustegiaren asuntoa konpondu dezakegu edo behin­tzat gutxitu. Gustatuko litzaidake zurekin zuzenean zabalago hitz egitea, nahi baduzu badakizu non aurkitu.