Bateratze Prozesuari buruzko xehetasunak

( Elena García Gurrutxaga, Rosa Amunarriz Freire, eta Juan Lasarte Ormaetxea Elizatxo BHI ) Urtarrilaren 23an, larunbata, Hernaniko Kronikan argitaratutako Hezkuntza ez da merkantzia eskutitzean azal­du­tako hainbat daturen zehaztasun falta dela eta, honako puntu hauek argitu nahi ditugu: · Fusioa ez da egingo, testuak dioen bezala, DBHko 3 ikastetxeen artean; baizik eta Bigarren Hezkuntzako ikastetxe guztien artean, Insti­tutua barne. · «Beste bi zentro hauek matrikulazio galera garran­tzitsuak dituzte. Ikasle askok Donostiara joateko erabakia hartzen dutelako». Eskuti­tzean azaltzen den baieztapen honen aurrean, zera esan behar dugu: Lehen Hezkun­tza Elizatxon bukatu duten ikas­leen %100ak Derrigo­rrez­ko Bigarren Hezkuntza Eli­zatxon bertan egin du azken ikasturte honetan (2009-10). Gainera, DBH bu­katzean gehienak Institu­tura joaten dira Batxilergoa edo Ziklo Formatibo bat egitera. · Azkenik, Elizatxon fusioa­ren aldeko erabakia ez dugu irakasleok, testuan jar­tzen duen bezala, bakarrik hartu. Baiezkoa eman zaio irakasle Klaustroan, OOGn (Eskola Kontseilua), baita Guraso Asanbladan ere. Bes­terik gabe, agur bero bat.