Gobernu Taldeak eta Ezker Batuak herria isilarazten dute

( Andoni Amonarraiz EAJ-PNVko bozeramailea *Erredakzioan euskeratua ) Gobernu Taldeak eta Ezker Batuak herria isilarazten dute Bi urte eta erdi daramazkit en­tzuten Udal Gobernu honen­tzat herritarren partehartzeak duen garrantzia. Partehartze prozesu guztiak, gehiago edo gutxiago, gai garrantzitsuen inguruan izan dira, baina benetan garrantzi haundiko gaia esku artean dugunean, atez atekoa den bezala, eta nabari denean herritarrak ez daudela guztiz ziur, Gobernu Taldea Ezker Batuarekin bildu da eta ez du uzten herriak iritzirik eman dezan. Esaten dute galdeketa, sistema jarri ondoren egingo dutela. Darabilten beste argumentuetako bat honakoa da: iritzia emateko lehenengo martxan ikusi behar dela. Hori horrela, zertarako egiten dira hautes­kun­de­ak? txan­datu gaitezen partidu po­litiko guztiak Udal gobernuan, eta ondoren bozkatuko dugu. Sistema honetan sinesten ez dugunok ez dugu zer eginik... Martxan jarriko da plenoko gehiengoak erabaki duelako (Gobernu Taldea eta Ezker Batua) eta bi talde hauei ez zaie batere inporta herriak pentsa­tzen duena. Azkenik, zalantza bat dut: Zergatik nahi dute jarri Usur­bilgo eta Hernaniko Udalek konposta planta bat beraien­tzat bakarrik, horrek dakar­tzan gastuak ahaztu gabe, kontuan izanda Partzuergoak (Diputa­zioa eta Mankomuni­ta­teak) aurreikusia daukala materia organikoa tratatzeko Gipuzko­an beharrezkoak diren plantak jartzea?