Hamaikabaten atsegina, 346/10 autoa dela eta

( Iñaki Arratibel Olaziregi Hamaikabat alderdia ) Atzo jakinarazi zuten, 346/10 AUTOA, maiatzaren 4ko fetxa daukana, eta Donostiako Auzi­tegi Kontenzioso-Adminis­tra­tiboan erabakia. Bertan, suspenditu egiten da, Atez Ateko kuboak kontratatzeko es­pe­dientea exekutatzea. Hernaniko Hamaikabat taldeak publikoki adierazi nahi du be­re atsegina, erabaki judizial hori har­tu delako. Erabaki horrek baiez­­tatzen du, zergatik egin di­ren horrenbeste salaketa, Atez Ate­koaren inguruko ilegalitateei buruz. Izan ere, bere garaian, auzitegiek Usur­bilgo konpostadora sus­­penditu zuten, eta gaur Do­nostiako auzitegiak kuboak adjudikatzea suspenditu badu, bihar, zintzilikatzekoak adjudikatzea suspendituko du, eta azkenean Atez Atekoa suspendituko du. Hamaikabatek uste du, Udal gestoreek eta Manko­mu­nitate­koek arduragabe eta legez kanpo egin dituztela gauzak. Itsutu egin ditu Atez Atekoak. Orain­dik garaiz gabiltza, alkatearen eskuetan dago Atez Atekoa bertan behera uztea. Arduraz joka­tzeko ga­raia da, harropuzkeriak eta haundikeriak alde batera utzita. Lehendabiziko balorazioa eginda, Hamaikabat taldeak auto-judiziala tentuz aztertuko du, eta aztertu, zein pausu eman hernaniarren interesen alde eta eskubideen alde.