Kontsulta
Atez atekoaren oposizioak eskatzen du oraingo sistemarekin jarraitzea eta bosgarren kontenedorea gehitzea. Galdeketa egitea exigitzen dute, justifikatuta, atez atekoaren kostua bikoitza izan daitekeelako. Beste behin ere kostuena gezurtatu zaie arrazoitutako datuen bidez, Vilassar de Mar, eta abar, baina isildu eta berdinarekin bueltatzen dira.
Atez atekoak zenbait herritar deseroso sentiarazten ditu sitema ez dutelako ezagutzen (eta bozkatzea eskatzen dute), bereizketan esfortzu gehiago egitea eskatzen duelako (orain egin beharko luketeena baino pixka bat gehiago), eta ordutegi eta egutegi bat bete behar delako hondakinak ateratzeko. Zenbat gehiago dakite hernaniarrek bi sistemen abantail eta desabantailen inguruan, beraien irizpideen arabera bozkatzeko? Erosotasunaren alde bozkatuko lukete... baina osasunak gehiago merezi du.
Gobernu taldeak markatua dauka bere proiektua eta metodologia atez atekoa jartzeko, Diputazioak berea daukan bezala Zubietan errausgailua jartzeko. Bietako inork ez du aurreikusten a priori galdeketa binkulante bat.
Demokrazia partehartzailea hiriaren heldutasunaren eta askatasunaren adierazle da. Noizbait izango da lehenengoa; Hernanin izatea nahiko nuke eta atez atekoagatik, baina askatasuna eta erantzukizuna bi oinak bezalakoak dira: banaezinak eta beharrezkoak erabakitasunez ibiltzen jarraitzeko.
Hitzaldi informatiboetan herritarren partehartze eskasa izan da eta sistemen inguruan iturri profesionaletatik informatzeko gogorik izan ez dutenei, kaleko ‘txaskarrilo’-arekin konformatu direnei, askatasunerako eskubide hori oparitzea galarazten du. Non uzten dute eztabaida teknikoa?... kalean.
Julen Lizaso (*Erredakzioan euskeratua)