‘Prebentzioa’

( Julen Lizaso (*Erredakzioan euskeratua) ) Benetan bera praktikan jartzea da txertorik onena, saihesteko gatazkak, desberdintasunak, biolentzia, korrupzioa, gaixotasunak, paroa, prekarietatea... Hondakinen gestiorik onena da, ez sor­tzea, dio Carlos Ormazabalek 21eko artikuluan: ‘Hasi gaitezen prebentziotik’. Diputazioak urtero 600.000 euro gasta­tzen dituela dio, besteak beste, egun hondakina zabortegira bota­tzea saihesteko eta 2.013an errausteko. Jarri nahi den Aurrerapenerako Plana ez da jasangarria 2.016rako konposta %10,1ekoa eta errausketa %89koa izatea espero bada. Prebentzioa optimizatuta, ahalik eta hondakin gu­txien sortzea eta ahalik eta gehien berziklatzea lortzen da. Nola neurtu bere arrakasta? herri bakoi­tzak zabortegira botatzen duen berziklagarria den hondakin kantitatearen arabera eta konpostagarriaren arabera. Lehenengoa lortzeko, herritarron ohiturak aldatzea besterik ez dago eta kon­tsumo-ondasunak enbasatzen dituzten enpresen legedia aldatzea. Bigarrena Udal bakoitzak darabilen sistemaren gain dago. Eztabaida guztien gakoa hauxe da: egun zabortegira botatzen diren hondakinen %80 berziklagarriak eta konpostagarriak dira, eta atez atekoaren bidez %30era murrizten da kantitatea gutxienez, eta Usurbilgo kasuan %18ra. Ohitura egokiek esfortzu gehiago eskatzen dute, baina gizarte aberatsagoa egiten dute, ingurumena zaindu, energia aurreztu eta... osasuna prebenitu.