‘Ikasten’ (2)

( Julen Lizaso Aldalur ) Aurrez aurre izan ziren lehengoan, zaborraren gaiak kezkatzen dituen herritarrak, gaiaz gehiago informatzeko asmotan. Lortu ote zuten zalantza dut, baina ez dut batere zalantzarik hondakinen kudeaketaren egungo sistema hobetzeko denok dugun borondate onaz. Ez ditut zalantzan jar­tzen beraien arrazoiak, baina bai ondo informatuta egotea, izan ere, atez atekoaren aurka daudenei entzunda, iruditzen zait aldaketari aurre egin nahi horrek eraginda, ojektibotasuna galtzen dutela. Hilabeteak dira idatziak guru­tza­tzen ari garela prentsan. Her­naniko Hamaikabat taldekoek bai Azkoitia, Zumaia eta Zarauz­koek eta herritarrek, erantzuna jaso dute puntuz puntu... beti isildu izan dira. Orain hitzaldi honetara dei egin digute eta argumentu berdinekin datozkigu: kontsulta eta Usurbilgo hondakinen desagerketa... izorratzeko gogoa dute. Ni neroni ez naiz fio esaten didatenean hernaniarren hobebeharrez ari direla, izan ere, konfrontazioa arrazoiaren bidez eman beharrean, estrategia politikoa erabiltzen ari dira. Plataformei, Hernanin Zero Zabor gisakoei eta kontra daudenei, debate publikoak egin ditzaten animatzen diet eta hernaniarrei parte hartzera. Bost sistema probatu ditut eta Hernanira iristear dagoenaren aldekoa naiz; izan ere, guztiaren gainetik, pertsonon eta planetaren osasuna dago. Kontsumismoaren zurrunbilo honetan sartuta egonda, inongo sistemak ez gaitu libratuko ondorioetatik, baina atez atekoa da gutxitzen lagunduko duen sistema bakarra. Kontra daudenak beraien berreziketaren aurka ari dira.