Pakito, 25 urte kartzelan

( Rosa Lujanbio Galdeano, Pakitoren arreba ) 2009 urteko uztailean, nire anaia Pakito euskal preso politikoak 25 urte bete ditu kartzelan. Hortaz, 197/2006 doktrinaren aplikazioa dela eta, beste 5 urte geratzen zaiz­kio libre izateko. Honen harira, nire buruari galdetzen diot: Zenbat urte pasa dituzte GAL azpijokoarengatik kondenatu zi­tuz­tenek? Jadanik 21 urte pasa dira euskal preso politikoen elkarteko kide naizenetik; lehenengo Senideak eta orain Etxerat. Urte guzti hauetan zehar, nire anaiaren argazkia eraman dut kontzentrazio, manifestazio edo ekitaldiren bat zegoen tokietara, bai Her­nanin eta baita Hernanitik kanpo ere. Guzti honekin, dispertsioaren amai­e­ra, gaixorik dauden eta kondenaren 3/4ak beteak dituzten presoen kaleratzea, eta orain nire anaia bezala kondena osoa betea duten presoen askatasuna aldarrikatzen aritu naiz. Gauza da 21 urte hauetan, baita Madrilen Aznarrek go­ber­natzen zuenean ere, ez di­da­tela inolako oztoporik jarri argazkia eramateko. Orain, or­dea, poltsikotik ateratako lege bat dela medio, hau egitea de­be­katuta omen dago, kartzela zigorrarekin gainera!! Ez al da izango jarrera honekin Euskal Herrian dugun benetako ara­zo politikoa eta honen ondorioak ezkutatu nahi dituztela? Derrigortu egiten naute, baina ez naute konbentzitzen-Animo Pakito!!