Gobernatzen gaituztenak non zeuden?

( Andoni Amonarraiz EAJ-PNVko bozeramailea (*Erredakzioan euskeratua) ) Beste behin ere aukera galdu da ETAri erakusteko, desagertu egin behar duela pentsatzen du­gula alderdi politiko guztiek. Beste behin ere, Ezker Aber­tzalearen zati batek, Her­nanin gobernatzen duenak, hilketa mota hau gai­tzesteari uko egin dio; eta hori da hain zuzen azpimarratu nahi dudana. Duela aste batzuk Urbieta kalean hilketa bat izan zen, genero indarkeri kontua. Halako gertakariaren au­rrean alderdi politiko guztiak kalera atera ginen gure gaitzespena erakusteko. Os­tira­­lean, ekainaren 19an, beste per­tsona bat hil zuten, oraingo honetan ETA­ko te­rro­ris­tak izan ziren hiltzaileak, eta kalera atera ginen PSE, PP, EB, Alkarbide eta EAJ-PNV al­derdietako ordezkariak eta hainbat herritar (ge­ro eta gehiago dira beldurra alde batera utzi eta beren gaitzespena erakusten dutenak). Go­bernu taldeko politikariak ez ziren atera. Hila­bete ba­tean garbi geratu da haientzat ETA­ren in­darkeriaren ondorioz hildakoek ez dutela ezta errekonozimendurik merezi, ez ba­besik, ez eta hiltzaileei gure gaitzespena adierazterik. Ne­re buruari gal­detzen diot he­rritar guztien integritateaz eta bizi kalitateaz ar­du­ratzen ez diren politikariek herritar horiek gobernatzeko zilegitasunik ba ote duten. Duela egun batzuk Go­bernu Taldeak galdetu zigun Alkateak politika utzi beharko balu eta 7 zinegotzirekin geldituko balira, oposizioak gobernatzen jarrai­tzen eragotziko liekeen. La­runba­teko kontzentraziora azaldu ez izanak, gure herriko jaiak berriro ere politizatuta eta legalitatearen lupapean egotea lortu izanak, Azpeitia, Zu­maia eta bes­te herri batzuetan alderdi botatuena ez errespeta­tu izanak eta Her­nanin hala egitea eska­tzeak, eta abarrek, askori pen­tsarazten digu ia merezi ote duten gobernuan egotea, ez bakarrik 7 zinegotzirekin geldituko balira, baita orain 8 zinegotzirekin ere.