Nere aukera: Iniciativa Internacionalista -   Herrien Elkartasuna

( Mikel Arrieta Iraola ) Igande honetan, Euro­parako hauteskundeak ditugu eta gaia urruti geratzen bazaigu ere, uste dut beharrezkoa dugula esfortzu bat egin eta paper mordo horien artean Iniciativa Internacionalis­ta­ren aldeko aukera egitea. Horretarako uste dut euskal herritar abertzale, independentista eta eskertzaleak hainbat arrazoi baditugula: Alde batetik Alfonso Sastre, Doris Be­negas eta besteak ezagututa uste dut Euskal Herriaren ahotsa ondoen islatuko duten hautagaiak direla. Beraiekin gure inde­penden­tzi nahiak Euro­pan oihartzuna izango duela ziur­tatuta dug­u. Beraiekin, pairatzen ari garen zapalketa, errepresioa eta askatasunen ukapena Eu­ropan salatuak izango dira. Iniciativa Inter­na­cio­nalis­tarekin 800 preso politikoen errealitate krudel eta gordinak leku bat izango du Europa osoan. Gaur eta hemen Euskal Herriaren es­kubideen babesle sendoenak Iniciativa Internacionalis­ta­ren inguruan biltzen dira. Beste arrazoia da, ezkerraren ikuspegitik, Iniciativa Internacionalistak politikak izan ditzakeen gauza on guztiak biltzen dituela. Herri zapalduen arteko elkartasuna, justizia sozialaren aldeko konpromisoa, langile eta he­rritar xumeen interesetan oinarritutako gizartea eraiki na­hia, gizon eta emakume as­keen etorkizuna, Ama Lurraren defentsa. Gorri, more, berde, arrosa, kolore guztietako mundu berri baten bidean Iniciativa Internacionalist­ak bere ondar alea eskaintzen du, xumea baina ezinbestekoa. Azkenik, arrazoi bat, txikiago baina neretzat bere garrantzia duena: Espainiar estatuari, Rubalkaba, Rajoi, Marlaska ta jendaila horren aurka jotzeko aukera onena Iniciativa Internazionalista da. Gure boto bakoitza muturreko ederra izango da zapaltzaileen aurka, horretaz baliatzea da nere aholkua.