Ostirala 17 arratsaldeko 19:00tan Gudarien plazan, inmobiliarien
papera salatu eta etxebizitza arazoan Udaletxearen inplikazioa eskatzeko,
mobilizaziora deitzen du Ate Jokak.
Etxebizitza merkatuaren logikan funtzionatzen duen bitartean, ezinezkoa da denon
eskubidea dena bermatzea. Negozioa egiteko gauza bat bezala erabiltzen dute
hainbatek, askoren etxebizitza premia larriaz maltzurki baliatuz gainera. Zentzu
honetan, adierazgarria da inmobiliariek jokatzen duten papera; etxebizitzaren
kontura etekinak lortzeko helburu bakarra duten enpresak dira, eta honetarako,
erosi, alokatu edota informazioa eskaintzeagatik soilik, beraiek ezarritako
zerga kobratzen digute.
Ez diezaiegun inmobiliariei lagundu!! Beraiek guri lapurtu egiten digute!!
Harrigarria da nola herriko hainbat eta hainbat denda eta taberna, beraiek
kaleratutako aldizkari/propaganda zabaltzeko prest dauden, ezeren truke gainera.
Mota honetako aldizkari nagusiaren izena ere nolanahikoa ez da: Duplex!.
Gehienontzat egoera ez da Duplex batean pentsatzekoa eta irain moduan hartu
beharko genuke. Gainera, benetako etxebizitza beharrik ez dutenei begira,
espekulazioa erabiliz beraien ondasun mailan gora eta gora egitera bultzatzea
bilatzen du. Horregatik ostiral honetako mobilizazioari hurrengo leloa jarri
diogu: EZ DUGU DUPLEXIK BEHAR!!.
Etxeen salmenta eta alokatzea inmobiliariak ez diren beste bide batzuetatik
eskaini behar dituzte etxeen jabeek. Horretarako beharrezkoa da Udaletxeak
gestio lan hori bere gain har dezan, guztioi gehiegizko zerga hori ezarri gabe.
Bide batez, Udaletxeari eskatzen diogu etxebizitza problematikari behingoz heldu
diezaiola, etxe hutsen erabilpena bultzatzeko neurriak hartuz eta alokairuzko
etxebizitza parke publikoa bultzatuz.
INMOBILIARIAK LAPURRAK!! ETXEBIZITZA ARAZOAN UDALETXEA ERANTZULE!!
Beinat Aginagalde Ugartemendia,
ATE JOKAKO kidea