Dakizuen bezela, aurten ere Gazte Asanbladako kide batzuk lanean gogoz eta
ilusioz hasi gara. Abenduaren 18an izango da 120 gazte lanerako eta herria
girotzeko irrikitan Tilosetako kioskoan bildu ginenaren urteurrena. Aitortu
beharra dago hasierako arrakasta hori maldan behera doala. Normaltzat jotzen
dugu 120 pertsonako asanblada gehiago ez burutzea, baina iaz lortu genuen talde
aberats hori mantendu beharra dago Hernanin zerbait egin nahi badugu. Gure asmoa
talde jator hori berriro lanean jartzea denez gutun honen bidez azaroaren 30ean
19:30etan Biterin egingo den asanbladara hurbiltzeko gonbidapena luzatzen
dizuegu. Bertan aurtengo ekintza desberdinen inguruan hitz egin nahi dugu (badator
mus txapelketa eder bat) eta horretarako ezinbestekoa dugu zure parte hartzea.
Izaro Arruarte eta Ohiana Gurrutxaga,
Gazte Asanbladaren izenean