Bai Udalbiltzari bai Euskal Herriari

( Manuel Fraile Etxenike Udalbiltza babes taldearen izenean ) Udalbiltza Euskal Herriko Udal eta hautetsien Biltzarra, Euskal Herriko historia garaikideko lehen instituzio nazionala da eta Euskal Herria osatzen duten zazpi lurraldeetako ia 1800 hautetsik sortu zuten Bilboko Euskalduna jauregian bildurik 1999eko Irailaren 18an. Egun hartako adierazpen politikoan honako bost helburuak zehaztu eta onartu ziren: 1. Euskal Herria nazioa de­­la aldarrikatzea. 2. Euskal Herriaren egitura­ke­ta politikoa eraikitzeari la­gun­tza ematea. 3. Euskal Herriaren nazio eraikuntza bultzatzea. 4. Herrialde guztietako udalerrien arteko harremanak eraikitzen laguntzea. 5. Nazioartean Euskal Herria nazio berezkoa eta desberdindua dela adieraztea. Ordutik aurrera, UDALBIL­TZAK egitasmo ugari gauzatu di­tu, besteak beste, Euskal Gara­pen eta Kohesio Fondoaren so­rre­ra, Bakerako Bideak Gora­tze­ko Engaiamendua, Euskal He­rri­a­ren Eskubideen Karta, Na­zioarteko Konferentzia eta abar. Hala ere, eta egindako lanean inolako delitu zantzurik ez egon arren, 2003ko apirilaren 29ko goizaldean, Entzutegi Na­zio­naleko epaile den Baltasar Gar­zonek aginduta, Udalbiltzak Astigarragan, Iruñean eta Bil­bon zituen egoitzak miatu eta prezintatu zituen, Udalbiltzako 8 hautetsi eta langile atxilotuz. Datorren Uztailaren 15ean UDALBILTZAREN aurkako epai­keta hasiko da, 22 pertsona prozesatuta daude eta 10 eta 23 urte bitarteko espetxe zigorra eskatzen da beraientzat. Pertsona hauek, herritarren aukeratutako hautetsi izateagatik izan ziren kide UDALBIL­TZAN, ETA HORI DA DELITU BIHURTU NAHI DUTENA, eta ez delitu makala gainera, ´ERAKUNDE TERRORISTAKO KI­DE IZATEA` leporatzen diete. Eraso honi aurre egiteko, Eus­kal Herri osoan, Babes Tal­deak osatu dira eta mobilizazio­ak antolatzen ari gara. Hernanin Ekainaren 19an, la­runbatean, burutuko dugu elkarretaratze bat eguerdiko 12:30 Udaletxe aurrean egoera hau salatzeko eta auzipetuei babesa agertzeko eta herritar guztiei dei egiten diegu parte har dezaten mobilizazio honetan. UDALBILTZA ASKE.