Martxan jarri da Urumeako Kronika proiektu berria

Atzo iluntzean aurkeztu zen, Hernaniko Biteri kultur etxean, Urumeako Kronika proiektua. Bertan hartu zuten parte Hernani, Ereño­tzu, Astigarraga, Goizueta eta Aranoko makina bat herritarrek, Kronika denen artean egiten baita. Ederki erakutsi zuten hori bideoan.
Horiez gain, 5 herrietako alkateak eta hainbat erakundetako ordezkariak ere etorri ziren:  Luis Intxauspe (Her­nani), Andoni Gartzia (Asti­ga­rra­ga), Imanol Lize­aga (Ere­ño­tzu), Ainhoa Ansa (Arano) eta Pablo Miranda (Goizue­ta) alkateak; Toki­kom­eko zu­zendari Inazio Arregi eta Toki­kom­eko le­hen­dakari Ur­ko Aristi eta Mikel Irizar le­hen­dakari ohia; eta Patxi Baztarrika Eusko Jaurlari­tza­ko Hiz­kuntza Politikako sailburu­or­dea, Jokin Azkue Eus­ko Jaurlaritzako Euskara Sus­tatzeko zuzendaria, eta Zigor Etxeburua Gipuzko­ako Foru Aldundiko Euska­rako zu­zen­dari nagusia.

Berrikuntzak martxan daude
Proiektua atzo aurkeztu zen, eta gaur bertan lehenengo berrikuntzak ikusi daitezke. Izan ere, gaur argitaratu da Astigarragako Kronikaren 0 alea; hemendik aurrera, asteazkenero izango dute As­ti­garragan bertako berriak biltzen dituen Kronika.
Bost herrietako berriak bilduko dituen Urumeako Kronika, berriz, larunbatetan argitaratuko da, eta martxoaren 1ean kaleratuko da lehenengo alea. Egun horretatik bertatik aurrera, webgune berritua ere erabili ahal izango da, betiko helbidean: www.kronika.net.

Aurkezpen gehiago, eskerrak emanez
Datozen egunetan aurkezpen gehiago ere egindo dira beste herrietan, proiektuan parte hartzea eskertzeko.