Dobera Euskara Elkarteak ikastaroa antolatu du, herri egunkari eta aldizkarietako kazetaritzaren inguruan. Plazak mugatuak dira, eta izen-ematea zabalik dago. Matrikula eta liburuak 20 euro balio ditu bazkide ez direnentzat, eta 15, bazkideentzat.
Martxoan eta apirilean,
lau egunetan
Ikastaroa lau egunetan emango da; zortzi orduz, guztira. Martxoaren 19 eta 26an, eta apirilaren 2 eta 9an, 18:00etatik 20:00etara bitartean, Biteri kultur etxean.
12 gai lantzeko
Ikastaroa 12 gaitan banatuta dago. Besteak beste, ondorengo hauetan: Antilingua: terrore semantikoa; Herri egunkariaren ezaugarriak; Zer da albiste?; Erritmo naturala: hiztun iaioa eredu; Monotonia: saihestu beharreko gaitza; Aditza aurreratzea; Kunta Kinte hizkera: atzizkien demasa; Hitz errazak: ideia zailak adierazteko; Multzo fonikoa: zer neurri erabili, memorian zerbait gordetzeko; Titularrak; Argazkien oinak; eta Puntuazio markak.
Informazioa eta izenematea Doberan
Ikastaroan izena emateko Dobera elkartera jo behar da (Larramendi 11, behea) edo harremanetan jarri 943 332 799 telefonoan edota dobera@dobera.com helbidearen bidez.
Informazio gehiago ere bertan eskatu daiteke.