Ez du etenik Sagar Lasterra herri lasterketaren tiradizoak. Urteroko zita bihurtu da askorentzat, eta beste asko dira probatzera inguratzen direnak. Gaur 400 korrikalari inguru izan daitezke parte hartzen, antolatzaileek Kronikari esan diotenez, eta hori inoiz iritsi gabeko koska litzateke. Eguraldi ezin hobearekin, goizeko 11:00etan abiatuko dira korrikalariak, Ibarluze poligonotik.
Txotx denboraldi barruan
Aurrean 8,9 km nahiko gogor izango dituzte, paraje ederretan, sagardotegi eta sagasti artean. Izan ere, ez da ahaztu behar txotx denboraldiaren barruan antolatzen dela lasterketa hau, denboraldia girotzeko asmotan.
Dortsalak 09:00etatik au-rrera hartu behar dira kiroldegian, eta oraindik bada han bertan apuntatzeko aukera. Autobusak ere kiroldegitik 10:10etan eta 10:30etan, dohainik. Dutxak ere dohainik izango dira, kiroldegian bertan, helmugan.