Giro berezia izango da igandeko iñude eta artzaietan, Urumeako 50. urteurrenean

Iñude eta artzaien konpar­tsa igandean aterako da Her­nanin, inauteriak baino astebete lehenago, urtero bezala. Aurten ordea, giro berezia izango dute, Urumea ikastolak 50 urte bete baititu. 1964 hartan sortu zen Uru­mea, euskeraz erakutsi zuen lehen­dabiziko ikastetxea, eta urte askoan Hernanin euskeraz ikasi nahi zutenentzat aukera bakarra izan zena. Aurten ospakizun urtea du­te, eta igandeko festa giroak izango du urteurren kutsu hori. Urumeako ikasleak, iñude eta artzai jantzian aterako dira, 11:45etan, musika lagun dutela, eta kale buelta egingo dute. Gudarien plazan bukatuko dute emanaldi bereziarekin