Korrikalariei bonoa emango zaie, pintxoa eta sagardoa 2 euroan

gero eta sari gehiago eta gero eta sona haundiagoa ditu Hernaniko Sagar Laste­rra probak. Aurten, parte hartzaile guztiei bonoak emango dizkiete Hernaniko hainbat tabernatan pintxoa eta sagardoa 2 euroan hartzeko, eta sari gehiago ere izango dira. Zortzigarren urtea du aurten Sagar Lasterrak, txotx denboraldiko festaren barruan antolatzen den ekitaldiak. Eta aurten 400 parte hartzailera iritsiko direla uste dute antolatzaileek, izenematea nola dijoan ikusita. Internetez izena emateko azken eguna gaur, 20:00ak arte, www.kirolprobak.com helbidean. Bestela, larunbatean bertan, kiroldegi aurrean, 09:00etatik aurrera. Laster­ke­ta 11:00etan abiatuko da Ibarluzetik. Autobusean joateko, kiroldegi aurretik do­hai­nik aterako dira autobusak, 10:10ean eta 10:30etan. Dortsalak ere kiroldegian hartu behar dira, eta ondorenean dutxatzeko aukera ere kiroldegian izango da, helmuga puntuan, alegia.