«Argi eta garbi utzi nahi dugu ardura hau talde osoarena dela»

Udal kontratazioak direla eta, Gobernu Taldeak atzo adierazi zuen Idurre Conde zinegotziak kargua utziko duela, bera eta Uralde en­pre­sako jabea ezkonduta izanik, inkonpatiblea delako enpre­sa horrek udalarekin lan egitea. Zinegotziari eta Go­ber­­nu Taldeari babesa ema­tera herritar asko azaldu ziren, eta honako hau da, irakurri zuten oharra, oso osorik: 

«Udal mailan egin diren kontra­ta­zioen legezko­tasuna auzi­tan jarriaz azken bolada honetan esandakoen eta ar­gitaratu­ta­koen ingu­ruan Udal Gober­nu Talde honek adie­razpen publiko honen bitar­tez hona­koa adie­razi nahi du: Bi urte eta erdi lanean aritu eta gero, urta­rrilaren 31n, lehenengo aldiz kon­tratazio tek­nikariaren txos­ten bat jaso genuen adie­raziz Idurre Conde eta Ural­de Itur­gintza enpresako ja­bea ez­kon­duta egoteagatik, Udalak debeka­tua duela aipa­tutako enpresa horrekin lan kon­tratuak si­natzea. Nahiz eta Idurrek ez dituen sinatu egiten diren kon­tra­tuak eta ez duen parte hartu enpresa kontrata­tzeko pro­zeduran. Nahiz eta Uda­lak, 25 urte baino gehiago da­ra­man Ural­de enpresarekin la­nean, agintean talde poli­tiko bat zein bestea izan. Orain jakin dugu inkonpa­tibleak direla. Egoera honen aurrean, ad­mi­nistrazio publikoko kon­­trata­zioe­tan aditu bati txostena es­katu ge­nion, gaia aztertzeko, eta aurrera begira egin beharrekoa zehazteko. Legearen arabera, Uralde enpresako jabea eta Idurre Conde zinegotzia ezkonduta egoteagatik, Udalak ezin du enpresa hau kontratatu. Honen aurrean bi aukera di­tugu: alde batetik Idurre Conde zinegotziak dimisioa aurkeztea, edo beste alde ba­tetik Idurrek zinegotzi iza­ten jarraitzea baina Uralde en­pre­sarekin lan gehiago ez egitea. Gobernu talde honek, ger­tae­ra hauen aurrean gure ardura hartzen dugu, orain arte ez dio­gu dagokigun ar­durari inongo kasuetan uko egin eta hemendik aurrera berdin jarraitzeko as­moa dugu; baina argi eta garbi utzi nahi dugu ardura hau talde osoarena dela, eta har­tutako era­baki guztiak lan tal­de osoaren babesarekin har­tu ditugula. Ardura har­tze honen ondorioz Idurre Condek zinegotzi izateari utziko dio datozen egunetan. Gobernu talde honek, Bil­duko zerrenda osatu ge­nue­nok, eta agerraldi honetan par­te hartzen dugun herri­ta­rrok gure babes osoa adie­ra­zi nahi diogu bai Idurre Con­deri eta baita bere familiari ere, beraien izen ona zikin­tzeko egin den ahalegin ho­nen aurrean. Gobernu taldean ziur gau­de, gure lanean eta udal gestioan hartutako erabaki guztiak zin­tzo­tasun osoz eta herritarren onerako egin ditugula, inor kaltetu gabe. Adierazgarria zaigu bes­tal­de ere aipatutako txos­te­nean adie­razitakoa: `no cabe advertir en la contratación de Uralde Itur­gintza S.L. prácticas fraudu­lentas o corruptas deriva­das del cargo electo de que se trata, que beneficien especial­mente a dicha Sociedad, habida cuenta los datos e información suminis­tra­dos y el elemento comparativo proporcio­na­do, cual es el des­glose por años de los contratos y/o cantidades satisfechas a la misma por tales Instituciones. Más bien cabría pensar que ha sido inconscientemente, de forma natural y espontánea, por las propias inercias ordinarias de muchos años atrás, por lo que se siguen contratando los ser­vicios de fontanería con dicha sociedad´. Udal gobernu talde honek argi eta garbi adierazi nahi du­­gu, ez dugula inongo era­ba­­ki­rik hartu Uralde Iturgin­tza S.L. En­presa bereziki la­gundu due­­­nik beste en­pre­sen aurretik. Gobernu taldeko kideok, ardura politikoa hartu ge­nuen momen­tuan Hernaniko he­rria­­ren alde lan egiteko kon­pro­mezua hartu ge­nuela eta inolaz ere ez zinegotzi kar­guak lortzea edo man­ten­tzea. Horren froga nabarme­na da Idurrek bere kargua utzi iza­na. Aurreran­tzean ere lanean zintzo, txukun eta leial ari­tu­ko garela azpi­ma­rratu nahi dugu, Her­naniko he­rriaren eta her­na­niarron onera­ko».