Hortzak erakutsita irabazi zuen Hernanik Gernikan

garaipen oso garrantzi­tsua atzo Hernanik Gerni­ka­ren kon­tra lortutakoa: 17-20. Der­bia baina zerbait gehiago zu­ten jokoan bi tal­de eus­kal­dunek. Partidu bo­rro­katua izan zen, eta lana eta kemena izan ziren kla­beak, Gernika men­pera­tze­ko. Azken aldian partidu bat bai­no gehiago galdu ditu Her­­nanik, eta atzo hortzak erakutsi, eta Oho­rezko Mai­lan geratzeko duten guztia emango dutela argi utzi zuten. Partidua ez zuten nahi bezain ondo hasi herna­nia­rrek, bigarren minuturako au­rreratu baitziren basurdeak, Urkijok egindako entsaioa medio. 17garren minutuan eto­rri zen trikoloreen erantzu­na, Genuak entsaioa eginda. Nagusi izan ziren handik aurrera, eta aldea haunditzea lor­tu zuen Aritz Otaegik 34 minutuan, entsaio berri bate­kin. 10 puntuko aldea gutxi­tzea lortu zuten etxekoek atse­denaldirako minutu gutxiren faltan, Samaleak gauzatutako zigor kolpeari esker. Bigarren zatia hasi eta berehala beste hiru zigor kolpe gauzatu zituen ar­gen­tinarrak. Aurretik ziren gernikarrak, 67garren minu­tuan Genuak entsaio berri bat egin arte. Gogor estutu zuten bizkaitarrek azken minutura arte, baina hortzak estutu eta garaipenarekin itzuli ziren hernaniarrak. Garaipena ba­ka­rrik ez, arnasa eta mo­tibazioa ere lortu zituen atzo Hernanik Gernikan.