LIbre lasterketa korrituko da Hernanin martxoaren 16an. Gudarien plazatik abiatuta, 5 kilometroko ibilbide laua izango da, edonork egiteko modukoa, herrian barrena. Parte hartu nahi dutenek aurretik eman behar dute izena, eta horretarako bi aukera jarri dituzte. Gaurtik aurrera aukera izango da www.herrikrossa.com web orriaren bitartez. Eta bihartik aurrera, Ibai Mendi dendan ere, eman liteke. Izen emateak 10 euroko kostua du, eta partehartzaile bakoitzak kamiseta bana jasoko du.
Lasterketako azkarrenek bi sari izango dituzte: txapela eta Lurreko dendako sorta bana. Partehartzaile guztien artean zozketak ere egingo dituzte: 4 sagardotegi, 4 afari, 10 saio biomagnetismo, kirol materiala, barazki sortak...
Eskerrak laguntzaileei
Zumitza TTTk antolatu du lasterketa, eta lerro hauek aprobetxatuz, eskerrak eman nahi dizkiete pixkana gerturatzen ari direnei: «eskerrik asko Larre Gain eta Oialume Zar sagardotegiei, Udalari, Lurreko denda biologikoari, Berria elkarteari, Tripontzi eta Zumitza jatetxeei eta IZ Osasun Zentruari.