joan den urteko mozorroa txiki geratu al zaizu? Askotan txanogorritxutaz jantzi zarela eta, mozorroz aldatu nahi duzu? Berrerabilpena eta elkartrukea bultzatu nahi ditu Gibelalde auzo elkarteak gaur goizean antolatu duen merkatu txikiarekin. Larramendi kaleko 11garren zenbakian du egoitza Gibelaldek, eta bertan izango da truke-merkatua. Bi orduz egongo dira egoitzan: goizeko 11:00etatik eguerdiko 13:00etara.
Bi aukera:
trukatu edo alokatu
Mozorroak eta osagarriak trukatu edo alokatzeko aukera izango da merkatu txikian. Gibelaldetik jakinarazi dute herritar guztiei zuzendutako merkatua dela, eta mozorroren bat nahi edo behar izatea nahikoa aitzakia dela gaurko merkatura gerturatzeko.