«Exijitzen dugu ardura zeinena den lehenbailehen argitzea»

udaleko oposizioak, EAJ, PSE-EE eta Hamaikabat al­derdiko bozeramaileek pren­tsaurrekoa eman zuten atzo u­daletxean, kontratazioen gaia dela eta, Udal Gobernu Tal­­deak duen jarrera salatu eta erantzunkizunak eska­tze­ko.
Pren­tsau­rrean azaldu zu­ten, oposizioaren lanari es­ker jakin dela Hernaniko Udala ez dela legea betetzen ari kontratazioetan: «Uralde Iturgin­tza S.L enpresa behin eta berriz kontratatu da legegin­tzaldia hasi zenetik. En­presa honetako jabea Idurre Conde Bilduko zinegotziaren senarra da». Oposi­zioa­ren esanetan, legeak debekatu egiten du zinegotzien se­nar-emaz­teen enpresak kontratatzea: «ezin dira kontratatu kargua duten zinego­tzien senar emazteen enpresak, hala dio azaroaren 14ko 3/2011 Errege Dekretu Legegileak».

«Erantzuna pasibotasuna eta ardura eza izan da»
Asteartean izandako Bo­zeramaileen Batzordeari bu­ruz ere hitz egin zuten pren­tsaurrean. Oposizioaren esanetan, azalpenak espero zi­tuz­ten eta pasibotasuna eta ardura eza jaso zuten eran­tzun gisa: «enpresa hau urteetan sistematikoki lan egindakoa zela izan zen erantzunetako bat, eta hori gure ustez, ezin da aitzakia izan. Alkateak lege honen berririk ez zuela ere esan zuen, eta horrek ez du duen arduraz libratzen. Herrita­rrek ere, ez dituzte lege guztiak ezagu­tzen, baina bete egin behar izaten dituzte».
Bestalde, Andoni Amo­­na­rraizek azaldu zuen, berak, pertsonalki legegintzaldi ha­sieran ohartarazi ziola zinegotziari, kontratazioen kontuan legeak zer zioen.
Udaleko teknikarien in­for­mea izanda, kanpoan beste bat eskatu izana lotsagarria dela ere esan zuten hiru bozeramaileek: «kan­poan eskatutako informe horren helburua da gertatutakoaren ardura teknikoei egoztea, eta ez Gobernu Tal­deko politikariei».

«Zeren zain dago Alkatea neurriak hartzeko?»
Uda­le­txean ardura gehiena duen pertsona ez dela erabakiak hartzera ausartzen azaldu zuten eta hainbat galdera egin zituzten: «Zeren zain da­go Alkatea duen ardura onartu eta neurriak hartzeko? Ez al da nahikoa Uda­le­ko teknikariek egindako txos­tena? Non dago Bil­duk hauteskundeetako programan aipatzen zituen trans­paren­tzia eta zintzotasuna?»
Oposizioaren ustez, gertatutakoaren ardura zeinena den zehaztu zuten: «Idu­rre Condek ardura politikoa du, bi gauzak konpatibleak ez zirela ez jakinarazteagatik; Asier San Emeterio Zerbi­tzuetako arduradunaren eta Gloria Mendi­nueta Gizarte Zerbi­tzue­tako arduradunaren erantzunkizuna ere bada, kontratu horiek sina­tzeagatik. Eta azken ardura Luis In­txauspe Alkatearena da, onartu izanagatik. Luis In­txauspe Alkateari exigitzen diogu ardura zeinena den lehenbailehen argitzea; baita ere bere ardura hirugarren bati ez egoztea eta hartu behar diren neurriak hartzea».