Epelerrekako Iturriandietan landatuko dituzte aurten, zuhaitzak

haize osasuntsuagoa izango du datorren asteburutik aurrera Epelerreka inguruak. Zu­haitz Eguna bertan izango da aurten, zehazki, Itu­rriandietan.
Neska-mutilek eta helduek izaten dute zuhai­tzak landatzeko aukera, eta guztiek, izena eman behar dute aldez aurretik; hilaren 20a da azken eguna. Gaz­tetxoek ikastetxeetan eman behar dute; eta helduek Mendiriz Mendi elkartean.

Ordutegia eta ibilbidea
Txikienak goizeko 09:00etan aterako dira Elkano kaletik, Biteri paretik, eta autobusez joango dira Irubideraino. Ber­tatik abitu eta  Zepadiko putzuan barrena iritsiko dira Iturriandietaraino.
Helduak oinez joango dira. Goizeko 08:00etan egin dute zita Plazan, eta Or­ko­la­ga baserrian barrena, Añua pa­sa eta Zepadiko putzura irit­siko dira, eta bertatik, Itu­rrian­dietara, landatze gunera.
Zuhaitzak landatu eta gero, Larregainen izango dute hamaiketakoa guztiek. Bueltako autobusa 13:00etan aterako da, Ereñotzutik.