Bi kartel lehiaketa martxan dira Hernanin. Batetik, San Joan jaiak iragartzeko kartel lehiaketa antolatu du Udalak, urtero bezala. Bestetik, Kaxko elkarteak antolatu du beste bat, herriko kaxkoa garbi mantentzeko mezua zabaltzeko.
2014ko San Joanetarako kartela
Apirilaren 4ra arte aurkeztu daitezke lanak Biterin 2014ko San Joan jaiak iragartzeko kartel lehiaketan.
Nahi duten guztiek hartu dezakete parte bertan, eta irabazlea nor den maiatzaren 5ean jakingo da. 600 euro irabaziko ditu.
Jatorrizko lanek 32cm-ko zabalera x 48cm-ko altuera izango dute, eta ezinbestekoa da paperean eta kartoi-lumazko euskarrian aurkeztea, baita formatu digitalean aurkezeta ere, 300ppp*ko erresoluzioan eta CMYK erako koloretan. Kartelek izenburua izan behar dute: San Joan jaiak. Hernani 2014.
Udaletxeko webgunean irakurri daitezke oinarriak, osorik: www.hernani.net.
Kaxkoa garbi mantentzeko mezua zabalduz
Kaxko auzo elkarteak martxan jarri duen lehiaketan maiatzaren 19ra arte aurkeztu daitezke lanak, asteazkenetan, 19:30etatik 21:00etara Kaxko elkartearen lokalean. Kasu honetan ere, nahi duten guztiek hartu ahal izango dute parte.
Jatorrizko lanek 42cm-ko zabalera x 59cm-ko altuera izango dute, eta ezinbestekoa da paperean eta kartoi-lumazko euskarrian aurkeztea, baita formatu digitalean aurkeztea ere, 300ppp*ko erresoluzioan eta CMYK erako koloretan. Kartelek lemaren bat izan behar dute, Kaxkoa garbi mantentzeko mezua zabaltzeko.