CHOPIN musikagilea eta Xenpelar bertsolaria garai paretsuan bizitu ziren; biak izan ziren, bere arloan, artista haundiak, berritzaileak. Gazte hil ziren biak eta aldamenean izan zuten arreba. Chopin eta Xenpelarrek ez zuten elkar ezagutu. Datorren igandeko bi protagonistek bai ordea. Elkartu egin dira, Bi arreba ikuskizunean: bi mundu, bi obra, bi kultur modu eta bi arreba biltzen dituzte bertan. Datorren igandean izango da ikusgai Astigarragako kultur etxean, arratsaldeko 19:00etan hasita.
Bi liburu aurkezpen,
eta literatur solasaldia
Literaturak ere, leku propioa izango du. Bi aurkezpen antolatu dituzte otsailean; eta liburu baten inguruko solasaldia ere izango da.
Etzi Vivir de rodillas liburua aurkeztuko du Manuel Martinez de Ordoñana egileak. Kultur Etxean izango da aurkezpena, Harituz elkarteak antolatuta; 18:30etan.
Otsaileko azken asteartean izango da beste aurkezpena, hilaren 25ean. Euskararen kate hautsiak, Arantxa Eratsun egilearena. Euskal Memoria fundazioaren eskutik izango da aurkezpena. AEK euskaltegiak antolatu du, Kultur Etxean, 19:00etan.
Eta literaturarekin lotutako azkeneko beste saioa egun bat lehenago izango da: solasaldia. Jorge Carrerok zuzenduta, El heroe discreto liburuaren inguruan izango da, Mario Vargas Llosa idazlearena. Gaztelaniaz izango da solasaldia, Liburutegian, 19:30etan.
Kaldereroen konpartsa,
datorren asteburuan
Hungariako kaldereroek ere badute Astigarragatik pasatzeko asmoa. Datorren astean, larunbatean aterako dira konpartsan. Ergobiatik abiatu eta herriko kaleetan barrena ibiliko dira, zartariak jo eta kantuan. Zita arratsaldeko 17:30etan egin dute, Ergobin bertan.
Tailerra eta zineforuma,
beste bi ekitaldiak
Aiton-amonei zuzenduta, Quien te ama te educa tailerra izaten ari da Astigarragan. Aurreneko saioa ostiralean izan zen, eta bigarrena hilaren 21ean egingo dute. Gaztelaniaz izango da, Kultur Etxean, 10:00etatik 11:30etara.
La cocinera del presidente pelikula ikusi eta ondorengo solasaldian parte hartzeko aukera ere izango da hil honetan. Pelikulan kontatzen da Fraçois Miterrand Frantziako lehendakariak izan zuen sukaldariaren istorioa.
Agenda
11 Asteartea
Liburu aurkezpena: Vivir de rodillas. Manuel Martinez de Ordoñana. Kultur etxean, 19:30etan.
21 Ostirala
Tailerra: Quien te ama te educa. Kultur etxean, 10:00-11:30.
15 Larunbata
Kaldereroen konpartsa. 17:30.
16 Igandea
Ikuskizuna: Bi arreba. Kultur Etxean, 19:00.
23 Igandea
Haur Ikuskizuna: Rua Aire. Kultur Etxean, 17:30.
24 Astelehena
Literatur Solasaldia: El heroe discreto. Mario Vargas Llosa. Liburutegian. 19:30.
25 Asteartea
Liburuaren aurkezpena: Euskararen kate hautsiak. Arantxa Eratsun. Kultur Etxean, 19:00.
25 Asteartea
Zine Foruma: La cocinera del presindete. Kultur Etxean, 18:00.