Nazioartean jokatzeko hitzorduak dituzte Hernani errugbi taldeko hiru jokalarik: Jokin Esnalek, Igor Genuak eta Jon Insaustik. Igor Genua Zeelanda Berrian da, Estatuko zazpiko taldearekin, datorren astean jokatuko diren munduko serieak prestatzen. Aurreneko fasean talde oso zaila tokatu zaie, baina biziko duten esperientzia ona izango da, ziur. Frantzia izango dute aurrean, maila honetan maisu dena. Fiji eta Zeelanda Berria ere izango dituzte aurrez aurre, fase honetan. Joan den asteburuan berriz, Las Vegasen izan ziren, Estatu Batuetan. Joko bikaina erakutsi zuen Genuak eta bi entsaio ere, egin zituen. Jon Insaustik ere hitzordua du asteburuan selekzioarekin. Belgikaren kontra neurtuko dituzte gaur indarrak, arratsaldean, Madrilgo Central zelaian. Maila mantendu nahi badute, irabazi beste biderik ez dute. Joan den larunbatean, selekzioak galdu egin zuen Errusiaren kontra, eta ondorioz, ez dute aukerarik 2015eko mundialean egoteko.
Jokin Esnal,
Euskariansekin
Jokin Esnalek atzo jokatu zuen Dublinen, lagunarteko partidua. Euskarians taldeak deitu zuen Esnal, Euskal Herriko jokalariak, Iparraldekoak zein hegoaldekoak, aldian behin biltzen dituen taldeak.