Ostegunean zozketatu ziren Hernanin, Iturmendi eta Karabelgo babes ofizialeko 91 etxebizitzak.
Iturmendin zozketatutako etxe guztiak berdinak ziren, baina ez, aldiz, Karabelgoak. Hauen artean, baziren 3 logela zituztenak eta 2 logelakoak, eta badirudi nahasmena sortu dela, nolako etxea zeini tokatu zaion jakiteko orduan.
Zozketa bidez erabaki da 3 eta 2 logelako etxeak zeini eman
Karabelgo etxeei dagokienez, 110 hernaniarrek hartu zuten parte babes ofizialeko 65 etxebizitzen zozketan. Etxe horietatik 30 hiru logelakoak dira, eta beste 35 bi logelakoak. Zozketan atera zen lehenengo zenbakia 81a izan zen. Beraz, 81etik 36rako zenbakiak zituzten hernaniarrek lortu zuten etxebizitza horietako bat. 3 edo 2 logelakoa nori eman ere, zozketa bidez aukeratu da.
Lehentasuna, 3 pertsonaz edo gehiagoz osatutako familiek
Etxe bat zozketan tokatu zaienen artean, 3 logelakoa eskuratzeko lehentasuna izan zuten 3 pertsonaz edo gehaigoz osatutako familiek.
Guztira, bost izan ziren ezaugarri horiek betetzen zituzten eskatzaileak. Beraz, 3 logelako 30 etxebizitzetatik 25 geratu dira gainontzekoen artean banatzeko. Gainontzeko guztien artean 3 edo 2 logelakoak nori banatu ere zozketa bidez aukeratu da.