«Helburu argia dugu: furgoneta lortzea»

Furgoneta berri bat eros­teko dirua biltzeko kanpaina jarri du martxan Mirentxinek. «Helburu argia du­gu: furgo­neta lortzea. Eta horretarako, 27.000 euro behar ditugu».
Euskal presoak bisitatzera joaten diren senide eta la­gu­nei bidaia errazteko asmoz sortu zen Mirentxin, 2000 ur­te in­gu­ruan. Espetxeetara bi­daiatzeko fur­goneta eta gida­ri sarea anto­latzeaz ardura­tzen da. Duran­gon hasi zen egitasmoa, baina egun Euskal Herriko hain­bat esku­aldetara zabaldu da.
Hernanin 72 gi­da­ri daude, 6 gidaritako 12 taldetan bana­tuta, eta hila­betero 3 bidaia egi­ten dituzte. Horretarako duten  fur­goneta bakarrak 300.000k­m-­tik gora egin ditu, dagoeneko, 3 urtetan. «Az­ken konpon­ke­tan 3.000 euro gastatu ge­ni­tu­en, eta edozein mo­­men­tutan pum! egin dezake. Furgo­neta be­­rri bat behar dugu hori ger­tatu baino lehen. Ez dugu nahi es­petxera iritsi  baino le­hen ka­rreteran ez atzera ez aurrera gelditu, eta bisita galdu».

«Mirentxin gabe ezingo genituzke bidaiak egin»
Elias Miner da Mirentxin zer­bitzua erabiltzen duen herna­niarretako bat. «1989an Fran­tziako eta Espainiako Estatu­ek martxan jarri zuten saka­ba­naketa politikaren on­do­rioz behar bat sortu zen, eta behar horri erantzuten dio Miren­txi­nek. Gainera, senideen arteko kohesioa indartzen du. Izu­ga­rri esker­tzen dugu egiten du­tena, bes­tela, ezingo genituzke bi­daiak egin».
Izan ere, Minerren esane­tan, sakabanaketa politika bai­no lehen, 40 euskal preso in­gu­ru egon zitezkeen espe­txe be­rean, eta familiak elkar­tu egiten ziren autobus bat alokatzeko. «Baina sakabana­ke­taren ondo­rioz, espetxe be­rean ez dira 10-15 preso baino gehiago izaten, eta orduan, ezinezkoa da au­tobus bat alokatzea. Beste au­ke­ra bat da bidaia hegazkinez egitea eta gaua pentsioren ba­tean pasa­tzea; erosoagoa da eta ez du­gu inor molestatzen, bai­na ikaragarri garestia da».

«Urtean bidaia bat gogorra bada, pentsa, astebururo!»
Eneko Aristimuño, Bingen La­rrarte, Iñaut Zabala eta Jo­kin Apezetxea dira Hernaniko 72 gi­darietako batzuk. «Guk ur­te­an bidaia bakarra egiten du­­­gu, eta oso gogorra da. Or­duan, pentsa zer izango den se­ni­de­entzat! Gainera, asko hel­­duak di­ra, furgonetan egi­ten dute lo... Eta guri pentsioa or­dain­tzen digute! Ikaragarria da!».
Tartean, gainera, esperien­tzia txarren bat ere izan dute. «Beti zoaz tentsioan, bereziki, bisitara iritsi artean. Gainera, batzuetan gertatzen dira... Behin harriak bota zizkiguten furgonetara, eta autopistan segika izan genituen».

Bertso-afaria, ostiralean
Dirua biltzeko ekimenen arte­an, bertso-afaria egingo da hilak 14an Elutxe­tan. Maialen Lujanbio, Agin La­buru, Aitor Mendiluze eta Unai Agirre ariko dira bertso­tan. Sarrerak salgai daude Garin, Rioja, Onddi eta Tripontzin.