Pasa den astean liderraren kontra galdu eta gero, maila bereko aurkaria izango du gaur Hernanik: DKS taldea. Neurketa Kiroldegian jokatuko da, arratsaldeko 16:45etatik aurrera.
Antzeko taldeak
Joko bera dute bi taldeek, eta sailkapenean ere, antzeko dabiltza biak. Hernani 7garren postuan da, 20 punturekin. Eta donostiarrak bi postu gorago dijoaz, hiru puntu gehiagorekin.
Gaurko partidua irabazita, sailkapenean gora egiteko aukera ederra du Hernanik. Aurretik dituen hiru taldeak, gehienez, 4 puntura dituzte. Gainera, datozen partiduetan garaipenaren bidean segitzeko aukera asko ditu Hernanik; datorren asteburuan esaterako, azken sailkatuaren kontra neurtuko ditu indarrak.