Atzo eguerdian egin zen babes ofizialeko etxeen zozketa: 24 Iturmendin eta 65 Karabelen. Auzo bakoitzeko etxebizitzetarako bina zozketa egin ziren: Hernanin erroldatutakoen artean bat, eta hernaniarrak ez direnen artean, beste bat, hernaniarrei eman baitzaie lehentasuna.
140tik aurrera Iturmendin, 81etik aurrera Karabelen
Iturmendiko 24 etxeen zozketan parte harte zuten 154 hernaniarrek, eta 409 kanpotarrek. Hernaniarren artean, 140 zenbakidunetik hasi eta 10era artekoak (154tik aurrera hasieratik hasten da kontatzen) dira etxea lortutakoak. Hortik aurrerakoak, itxaron-zerrendan gelditu dira. Zerrenda honetara gehituko dira zuzenean kanpotarrak, 369 zenbakitik kontatzen hasita.
Karabelgo 65 etxeei dagokienez, 110 dira zozketan parte hartutako hernaniarrak, eta 349 kanpotarrak. 81 zenbakitik 36rako hernaniarrak lortu dute etxea, 3 logelakoak lehenengo 30ek, eta 2 logelakoak hurrengo 35ek. Bestalde, ziurtatu da 3 pertsona edo gehiagoz osatutako familiek 3 logelako etxea izatea. Itxaron-zerrendan geratu dira 37tik aurrerako hernaniarrak eta 203tik aurrerako kanpotarrak.
Zerrenda, promotoreetan
Zerrendak ikusi ahal izateko eta dudak argitzeko, promotoreetara deitu behar da: 943 42 95 21 (Iturmendi) eta 943 46 20 86 (Karabel).