Boskote bat igoko da taula gainera, gaurkoan: Ara Malikian biolinjolea, Fernando Egozcue gitarrajolea, Moises Sanchez pianojolea, Miguel Rodriguez kontrabajista eta Martin Bruhn perkusionista. Con los ojos cerrados izeneko ikuskizuna da eskainiko dutena. Fernando Egozcuek berak konposatutako musika joko dute: sustrai argentinarrekoa, kamarako musikarako sortua eta erritmo bizikoa. Era berean, klasiko ikasketen eta jazz musikaren eragina nabariak dira ikuskizun honetan. Ara Malikianek, berriz, ikutu berezia emango dio ikuskizunari. Izan ere, momentuko biolinjolerik onenetakoa dela esaten da, originalenetakoena, bere sustraiak eta musika bizipenak nahastuz estilo propioa sortu duena.
Sarrerarik ez
Gaurko ikuskizunak jende asko erakarri du, dagoeneko ez baita sarrerarik gelditzen. Atzo bertan bukatu ziren.