Biolina eta gitarra nola uztartzen diren entzun nahi duenak ostegunean dauka aukera paregabea Hernanin. Ara Malikian eta Fernando Egozcue etorriko dira Biterira, Hernani’n Musiken barruan, eta Con los ojos cerrados espektakulua eskainiko dute. Fernando Egozcue gitarrista da, sona haundikoa, eta berak egin du ikuskizun honetarako musika, ikutu argentinarra eta jazzaren igurtzia antzematen zaizkiona. Ara Malikian berriz, lujozko biolinista hartu du lagun Egozcuek. Gitarrari ahotsa jarriko balio bezala jotzen du Malikianek, zentzua emateraino, berez, urrutiko mundu batera garamazkien musika estiloari. Munduko biolinistarik onenen artean dago Malikian, inongo zalantzarik gabe... ikusi nahi duenak, ostegunean du, Biteri kultur etxean.
Sarrerak gaurtik
Sarrerak 7 euroan, goizez eta arratsaldez, Biterin.