Ageda 230 urtean jaio omen zen Sizilian eta famatu egin zen, Quintianus senadoreari ezkontzeko ezezkoa eman, eta sekulakoak eta bi eginda hil zutelako. Orduko gertaera omen da gaur egun Santa Agedaren errondaren iturri. Agedaren omenez urtero ateratzen dira Hernanin ere, Santa Ageda errondan. Ohitura Zaharrak abesbatzak entsaioa du urtarrilaren 31n, 20:00etan Biterin, eta Santa Ageda bezperan otsailaren 4an, erronda egingo du, 18:15etan Milagrosatik abiatuta.
Ereñotzuko Ur Mia elkarteak ere egiten du urtero erronda. Entsaioa ostiralean egingo dute, 20:30etan elkartean bertan. Erronda berriz, otsailaren 4an, Ur Miatik abiatuta. 16:00etan elkartu, eta 16:30etan abiatu.