kristalen energiari buruzko teoria norberak etxean ikasi dezakeela dio Enara Goikoetxea hernaniarrak. Bi saio emango ditu Zilegi Eskolen barruan, eta bietan alde praktikoa landuko du. Gaur, Hernanin, 14:30-19:30; eta bihar Astigarragan, 09:30-11:30.
Goikoetxeak dio, praktika dela ikasi eta sentipena garatzeko bide bakarra: «kristalak, harriak... liburu ugari daude eta teoria asko era bai. Zaila izaten da zein erabilpen eman jakitea, kasuistika eta praktika lantzea. Beraz, bi orduko hitzaldi edo saio hauetan, praktikari emango diot garrantzia, eguneroko bizitzan nola erabili ikasiko dugu. 15 minutuko praktika bati, 3 orduko teoriari baino probetxu gehiago ateratzen zaio».
Kontsultako kristalekin
Gorputz bakoitzak dituen energia zentroak eta euren arteko erlazioak zein diren ikasiko dute saiora animatzen direnek, praktikak errealak izango baitira: «kamila batean etzanda praktikatuko dugu, kontsultan erabiltzen ditudan harriekin. Ukitu, meditatu eta nola erabili ikasiko dugu. Gure zentroak nola daude ikasi behar dugu, eta harriek nola orekatzen duten. Nola aktibatu eta nola lasaitu. Gorputzeko energia nola sentitu eta baloratu ere, ikasiko dugu».
Jarraipena, etxean
Saioa bukatuta, etxean ariketa horiek nola egin erakutsiko du Goikoetxeak: «egunero 15 minutu praktikatuta ikasiko du gehien ikasleak».