‘erraldoia lo’ dagoela aprobetxatuta, Hernanik bihar aldea haunditzeko aprobetxatu nahi du, Santboiana talde haundiaren kontra. Katalanek talde bikaina eta denboraldi kaxkarra daramakite. Hernaniarren atzetik dijoaz, azkenaurreko postuan, bost puntu gutxiagorekin eta bi partidu bakarrik irabazita. Hernaniarrek berriz, inork espero ez zuela, lan haundiak eman dizkie talde gogor askori, eta 4 partidu irabaziak ditu.
Biharko partidua atseden hartuta hasiko dute, hilabete eta erdian ligako partidurik ez baitute izan. Bihartik aurrera berriz, beste hamar partidu jokatuko dituzte liga bukatu arte. Garrantzia haundia du neurketak, kontrario zuzenen artean jokatzen baitute. Partidua, Sant Boi herriko Baldiri Aleu zelaian, 12:00etatik aurrera.
Iaz bigarren, aurten azken-bigarren
Gauzei nondik begiratzen zaien, ezberdin ikusten omen dira. Santboianak iaz bigarren postuan bukatu zuen liga, eta aurten ere halatsu dijoaz, baina behetik hasita. Ez dute iazko jokorik, eta bururik altxa ezinda dabiltza. Jokalari batzuk aldegin, beste batzuk lesionatuta... egoerari buelta emateko bi fitxaje egin dituzte, eta bat bihar ikusi ahal izango dena: Matenga Baker gaztea, Zeelanda Berrikoa, hirugarren lerrokoa baina erdilari bezala jokatuko duena. Gauzak gaizki hasi arren, ez dago etsitzeko Llobregateko taldea.
Joaneko partiduan, Hernani garaile 29-23
Landaren sorpresa eman zuen Hernanik liga hasieran, Santboiana haundiari 29-23 irabazita. Orduan pizkorrago ibili ziren hernaniarrak, eta joko klase guztietan nagusitu ziren. Azkarrago mugitu zuten jokoa, eta ezustean harrapatu zituzten kataluniarrak. Bihar ere puntu-bila dijoa Hernani. Zuzeneko aurkariari aldea kentzea garrantzitsua da, liga bukaera zailari indarrez ekiteko. Lan horretan, ordea, faltako ditu jokalari batzuk: Igor Genua, selekzioarekin ari delako, eta beste batzuk lesionatuta daudelako.
Hamar partidu falta dira liga bukatzeko, eta Hernani 9garren dago. Oraingo partidu guztiak hil edo bizikoak dira ligako borrokarako.
Aldea haunditzeko aukera, bihar, Santboianaren zelaian
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!